حلقة رامز جلال رامز إيلون مصر مع هدى الإتربي
بدأ رامز مقدمته بطريقة ساخرة قائلَا: "معانا نجمة مشهورة... بس محدش عارف ليه! يمكن علشان نافخة الشفايف، ولا علشان مدملكة زي القطايف، النجومية دلوقتي بقت بالبروز". ثم واصل قائلَا: "النجمة اللي معانا منبع الفيلر، بتعبي السليكون بالكوز، فاكرة نفسها محدش قدها، بس النهاردة هردها على البارد وأكسر جناحها اللي فارد".
كما علّق رامز على إطلالة هدى فور وصولها إلى البرنامج قائلَا: "جاية من الحرفيين على هنا! مفيش عدالة في التوزيع، في مناطق جت على مناطق، إيه الشعر ده؟ مش بتحط زيت أملا دي بتشربه! واللي زي دي لازم واحد يمشي وراها بطشت، أحسن شوية سليكون يتدلدقوا".
خلال الحلقة، حاول رامز استفزاز هدى بسؤاله: "كل ممثل ليه قوة أو مؤهلات، إنتِ إيه قوتك؟"، لكنها اكتفت بالضحك دون إجابة.
عندما سألها عن أكثر ما يعجبها في الرجل، أجابت: "إنه يبقى رامز"، ليعلق الأخير مازحًا: "بس ده من ورا قلبك يا قطة، علشان عايزة تتفكّي".
وفي أحد المواقف، استعاد رامز لقبًا لضيفته، حيث وصفت بـ"جورجينا الغلابة"، ولكنها قالت إنها لم تلق على نفسها اللقب، وإنما الجمهور هو من قال ذلك، فسألها مازحًا: "ما دام إنتِ جورجينا الغلابة، يبقى مين كريستيانو في حياتك؟".
وفي نهاية الحلقة، واصل رامز استفزازها وسألها: "طالما إنتِ قنبلة الجيل، طيب أسماء جلال تبقى إيه؟"، لتجيب بثقة: "قنبلة الأجيال".
فكرة برنامج رامز إيلون مصر ومواعيد عرضه
يعتمد برنامج رامز إيلون مصر هذا الموسم على خدعة لجنة تحكيم برنامج مواهب مزيف يُدعى "جولدن تالنت"، حيث يعتقد الضيف أنه يشارك في تقييم المواهب إلى جانب النجمة نوال الزغبي ونجم كرة القدم محمد نور، قبل أن يجد نفسه في مغامرة مليئة بالمفاجآت والمقالب التي يتقنها رامز جلال.
ويعرض برنامج رامز إيلون مصر يوميًا عقب الإفطار على قناة MBC مصر، أي في تمام الساعة 6:00 مساءً بتوقيت مصر، كما يمكن مشاهدته على منصة شاهد.
(المشهد)
