كشف الفنان أحمد فهمي عن الأزمة الصحية التي تعرض لها مؤخرًا، والتي اضطرته لإجراء عملية جراحية في القلب.وقال فهمي: "أنا بحب أهتم بجسمي جدًا وأروح الجيم وأكل كويس عشان صحتي، لكن في 2016 كانت أول مرة أشتغل مسلسل في شهر رمضان وأخلص قبل رمضان، متعودين بنخلص التصوير في رمضان، المرة دي خلصت قبل شهر رمضان بكام يوم".وأضاف: "أنا بحب الحلويات جدًا، وبالذات في رمضان لما يكون فيه كنافة وقطايف، وفجأة لقيت نفسي بزيد في الوزن. قررت أروح للدكتور علشان أظبط أكلي، ولما فحصني، كان في حاجة غريبة حاول مايبيّنهاش بس أنا حسّيت. طلب مني تحاليل، وعندما رجعت له وقال لي إن عندي مشكلة في القلب. استغربت وقلت له: 'إزاي؟ المفروض أحس بأعراض! فقال لي إننا محتاجين نعمل فحص دقيق. عملت الفحص واكتشفنا إن عندي مشكلة في الصمام الميترالي بسبب التوتر. سافرت لعمل عملية قلب مفتوح في إنجلترا، ومن اللحظة دي بدأت أشوف الحياة بشكل مختلف تماما".وتابع فهمي: "الدكتور وهو معايا دخلنا أوضة العمليات عشان يشرح لي، قالي السرير ده، أنت ممكن بعد ساعتين تقوم وممكن لأ، كان بيتكلم عادي، أنا ما أخدتش الكلمة إنها حاجة وحشة، وأخدتها بطريقة إيجابية، بس من اللحظة دي بقيت بشوف الحياة بمنظور مختلف، وإن الواحد بيدور على حاجات ممكن تكون مش مهمة نهائي في الحياة".يذكر أن الفنان أحمد فهمي يشارك في مسلسل "نقطة سودة"، بطولة كلًا من هدى الأتربي، ناهد السباعي، سماح أنور، وفاء عامر، نضال الشافعي، أحمد بدير.(و كالات )