أثار مطرب المهرجانات المصري عصام صاصا الجدل في حوار جريء تحدث خلاله عن أرباحه الحقيقية من موقع "يوتيوب"، وتفوقه على النجم عمرو دياب والممثل والمغني محمد رمضان، مشيرا إلى أنه "موجود قبل ويجز".وكشف عصام صاصا خلال لقائه ببرنامج "أسرار"، عبر قناة "النهار" المصرية: "عمري في حياتي ما حسيت ولا أعرف أنا ناجح قد إيه، مدير أعمالي معاذ اللي قالي إن أرقامي عدت عمرو دياب ومحمد رمضان، ودخلت شفت الفيديو، الموضوع كان عادي.. وبكسب من الفيديوهات على اليوتيوب، اللي بيقولك مش بيكسب يبقى بيضحك عليكي، أنا بكسب، ولكن مش اللي في خيال الناس".وأضاف عصام صاصا في حديثه مع الإعلامية أميرة بدر: "الناس فاكرة إني بكسب مليارات مفيش الكلام ده.. أنا عمري ما سألت أغنية ليا جايبه كام، أنا متعاون مع شركة تبع اليوتيوب حافظة حقوقي.. واتشرف أعمل دويتو مع محمد رمضان هو أكيد تعب في حياته بجد علشان كده في اللي هوفيه ده.. أنا لو مكانه أو أي حد هيبقى مكانه هيبقى كده".كما تحدث عصام صاصا عن الأكثر جماهيريًا وحبا بين المتابعين والمستمعين لأغاني المهرجانات هو أم "ويجز"، قائلًا: "أنا ممكن أكون موجود في الشارع أكتر من ويجز، لأن ممكن يكون بيعمل أغنية كل شهرين أو البوم.. لكن أنا ممكن في الشهر أعمل 10 أغاني، وبحبله أغنية البخت".من هو عصام صاصا؟عصام صاصا هو مطرب مهرجانات مصري من مواليد محافظة الجيزة.اسمه الحقيقي عصام محمد وشهرته عصام صاصا.شاب يبلغ من العمر 26 عامًا ومتزوج ولديه طفل اسمه رحيم.يُلقب بـ"الكروان".مهرجان "قالك تعيش هاتشوف" تسبب بشهرته الواسعة في مصر.بدأ مسيرته "دي جي" ثم اتجه للغناء الشعبي.(المشهد)